مير هزار خان بجاراڻي

هزار خان بجاراڻي: مشهور سياستدان مير هزار خان ولد سردار نور محمد خان بجاراڻي، 23- آڪٽوبر 1946ع تي ڳوٺ ڪرمپور بجاراڻي ،تعلقي تنگواڻي ، ضلعي ڪشمور ۾ جنم ورتو.ابتدائي تعليم پنهنجي ڳوٺ ۽ اعلي تعليم ولايت مان حاصل ڪئي.سندس سياسي تعلق شروع کان وٺي پاڪستان پيپلز پارٽي سان رهيو. هو 1970ع وارين چونڊن ۾ ايم. پي. اي سان گڏ صوبائي وزير پڻ رهيو. ان کان پوءِ 1977ع ۾ قومي اسيمبليءَ جو ميمبر چونڊيو ويو. سندس وابستگي پ پ پ سان رهي. غلام مصطفيٰ جتوئيءَ جي پيپلز پارٽي سنڌ جي صدارت ڇڏڻ کانپوءِ کيس پارٽيءَ جو صوبائي صدر مقرر ڪيو ويو. ڪجهه عرصي بعد هُن پارٽيءَ تان استعيفيٰ ڏئي ڇڏي ۽ وزير اعظم محمد خان جوڻيجي جو ساٿي بڻيو. وري 1988ع ۾ کيس سينيٽر چونڊيو ويو. هُن 1988ع ۾ وزير صحت، ماحوليات، هائوسنگ اينڊ ورڪس ۽ 1990ع ۾ وزير سائنس ۽ ٽيڪنالاجيءَ جون ذميواريون سنڀالي ورتيون. بجاراڻي صاحب 1993ع ۾ دفاع کاتي جو وزير رهيو. 2008ع ۾ ٿيل چونڊن ۾ هو پ پ جي ٽڪيٽ تي قومي اسيمبلي جو ميمبر چونڊيو ويو، جنهن بعد کيس وفاقي وزير تعليم مقرر ٿيو. سال 2013ع جي اليڪشن ۾ هو پيپلز پارٽيءَ جي ٽڪيٽ تان سنڌ اسيمبلي جو ميمبر ٿيو ۽ سنڌ حڪومت ۾ وزير پڻ ٿيو. مير هزار خان 1 فيبروري 2018ع تي ڪراچي ۾ وفات ڪئي.

داخلا ۾ استعمال ٿيل تاريخون

1964.10.23  عيسوي

مير هزار خان بجاراڻي سنڌ جو هڪ اهم سياستدان آهي . هن 23- آڪٽوبر 1946ع تي جيڪب آباد ۾ جنم ورتو . عملي سياست ۾ سڀ کان پهرين هو . 1970ع وارين چونڊن ۾ ايم . پي . اي چونڊجي آيو ۽ تن ڏينهن ۾ صوبائي وزير پڻ رهيو .

2018.02.01  عيسوي

مير هزار خان بجاراڻي 01 فيبرري 2018ع تي وفات ڪئي.

شخصيتون - ڀاڱي جون ٻِيون داخلائون